CINEGALICIA 25. QUE É O CINE (GALEGO)?

Co gallo do 25º aniversario da estrea das primeiras longametraxes galegas en 35 milímetros, respectivamente Continental, Urxa e Sempre Xonxa, creouse unha comisión que tivese como obxectivo xerar unha listaxe ou escolma de filmes do período 1989-2014. Centrándose en criterios historiográficos e procurando a maior representatividade e diversidade (industrial, xenérica, temática, autoral), sen atender ás presuntas “mellores” películas galegas dos últimos 25 anos, convidouse a oito profesionais: Eduardo Galán, Miguel Anxo Fernández, Xosé Nogueira, Jaime Pena, Sabela Pillado, Fernando Redondo, José María Rodríguez Armada e José Manuel Sande.
Este ciclo é o resultado desa comisión. Curtas, longametraxes, animación, documental, unha síntese en imaxes deste cuarto de século. En paralelo, o Centro Museo Gaiás organiza unha exposición conmemorativa.
Por último, completamos o ciclo con tres sesións reservadas aos pioneiros, producións dos anos 70 e 80 previas a esta etapa. Moitas das sesións han contar con presentacións dos seus autores.

Sesións curtametraxes pioneiros:
Sesión 1: Retorno a Tagen Ata (Eloy Lozano, 1974); Fendetestas (Antonio F. Simón, 1975); O herdeiro (Miguel Gato, 1976) e O pai de Migueliño (Miguel Castelo, 1977).

Sesión 2: O monte é noso (Llorenç Soler, 1978); Tacón (Xavier Villaverde, 1982); Mamasunción (Chano Piñeiro, 1984) e Río de sombras (Daniel Domínguez, 1986).

Agradecementos: Continental, Xavier Villaverde, TVG, Mariluz Montes, Carlos López Piñeiro P.C., Xosé Xoán Cabanas Cao, María de las Cuevas, Victor Ruppén, Carlos Aurelio López Piñeiro, Fernanda del Nido, Tic-Tac Producciones, Miguel Asensio, Jaime Fernández-Cid, Ricardo Llovo, Carlos Alberto Alonso, Sun Lua, Héctor Carré, Fenda, Raúl Veiga, Miguel Castelo, Ábrago Filmes, Atlántico, Juan Pinzás, Vici Produccións, Escola de Imaxe e Son de A Coruña, Concello da Coruña, Chema Gagino, Off Films, Adivina Producciones, Filmanova, Nós Cinema, Proavis, Luis Avilés, Alberte Pagán, IB Cinema, Xamalú Filmes, Perro Verde, Vía Láctea, Vaca Films, Zeitun Films, Peque Varela, Artefacto, Fernando Cortizo, Dygra Films, Matriuska, Rebordelos, Xacio Baño.