![Valie Export](https://filmotecadegalicia.xunta.gal/sites/w_pcgai/files/styles/full_width_breakpoints_theme_cgai_xs_1x/public/adjunct_dislocations_-_portada_web_0.jpg?itok=3Musuvlc×tamp=1526988339)
Valie Export
Do 7 de marzo de 2018 ao 13 de marzo de 2018
Valie Export é unha artista austríaca nada en Linz en 1940. Dicimos artista e non cineasta porque non só fixo cine no sentido tradicional do termo, tamén sobranceou en escultura, fotografía e nunha arte da que é a indiscutible pioneira: as performances en que se utiliza o corpo feminino coma elemento artístico, un claro antecedente do que representan na actualidade os traballos artísticos de, por exemplo, Marina Abramovich. En todos estes campos, a nosa protagonista fixo uso de toda unha panoplia de recursos e modalidades expresivas para lanzar unha mensaxe determinada, concreta, porque en Valie Export a arte e a política, entendida esta no máis amplo sentido do termo, percorren camiños paralelos. Deste xeito, resulta imposible descontextualizar o seu traballo de denuncia da sociedade patriarcal ou dos remanentes do nazismo aínda presentes na sociedade austríaca na segunda metade do século XX. Ambas son exactamente o mesmo, o fondo e a forma uníndose nunha conxunción que converte Valie Export nunha referencia ineludible para entender os movementos artísticos e sociais do noso pasado e do noso presente.
O foco está formado por dúas longametraxes:
Invisible Adversaries, de 1977, a súa ópera prima. Unha fotógrafa descobre que unha raza extraterrestre está a ocupar os corpos dos seres humanos. Reescritura dende unha perspectiva feminista do clásico La invasión de los ladrones de cuerpos de Don Siegel en que a autora usa técnicas do cine experimental.
The Practice of Love, de 1985, a súa película máis coñecida. Nela, a protagonista, coma sempre unha muller, oscila entre dúas historias de amor con dous homes, grazas, ou por culpa das cales, coñecerá o verdadeiro significado do machismo, da forma corrupta de entender as relacións nunha sociedade patriarcal.
Ademais destas dúas longametraxes, o foco de Valie Export ofrece un programa con diferentes curtametraxes, dende as máis tradicionais (se é que se pode usar este adxectivo co cine da artista austríaca) ata os máis performáticos, é dicir, aqueles en que a propia Valie utiliza o seu corpo como arma para transmitir o seu discurso.
Martín Cuesta
Festival Internacional de Cine de Xixón
![Invisible Adversaries](https://filmotecadegalicia.xunta.gal/sites/w_pcgai/files/styles/large/public/invisible_adversaries_0.jpg?itok=R20N7Tu5)
Invisible Adversaries
![TAPP und TASTKINO](https://filmotecadegalicia.xunta.gal/sites/w_pcgai/files/styles/large/public/12_export_tappundtastkino_1968_1969.jpg?itok=7o111OOR)
TAPP und TASTKINO
![…Remote…Remote…](https://filmotecadegalicia.xunta.gal/sites/w_pcgai/files/styles/large/public/remote_remote.jpg?itok=j7JlMVRP)
…Remote…Remote…
![Adjunct Dislocations](https://filmotecadegalicia.xunta.gal/sites/w_pcgai/files/styles/large/public/adjunct_dislocations.jpg?itok=yGZhGLkx)
Adjunct Dislocations
![Syntagma](https://filmotecadegalicia.xunta.gal/sites/w_pcgai/files/styles/large/public/syntagma.jpg?itok=I4V_ZZqE)
Syntagma
![Hyperbulie](https://filmotecadegalicia.xunta.gal/sites/w_pcgai/files/styles/large/public/valie_export_para_hyperbulie_por_gijonfest_0.jpg?itok=pxHW7_j-)
Hyperbulie
![Man & Woman & Animal](https://filmotecadegalicia.xunta.gal/sites/w_pcgai/files/styles/large/public/mann_frau_animal_by_valie_export.jpg?itok=e7Xp8CGp)
Man & Woman & Animal
![the voice as performance, act and body](https://filmotecadegalicia.xunta.gal/sites/w_pcgai/files/styles/large/public/thevoiceasperformance2.jpg?itok=oQmBvvlD)
the voice as performance, act and body
![The Practice of Love](https://filmotecadegalicia.xunta.gal/sites/w_pcgai/files/styles/large/public/diepraxisderliebe.jpg?itok=CKpuWgck)