Fóra de serie

Completamos o ciclo dedicado ao xaponés Hirokazu Kore-eda e estreamos títulos prestixiosos e ausentes das carteleiras galegas, como o drama amoroso ruso Euforia (2006), premiado en Venecia, e a película iraniana La isla de hierro (2006). A presentación dunha das máis orixinais producións galegas realizadas, Cousas de Kulechov de Susana Rey, e a presenza de novos valores con propostas tan persoais como variadas (Borja Mucientes, Diego Mariño) enriquecen esta sección no mes de outubro.

Agradecementos: Susana Rey, Borja Mucientes, María Fabeiro, José Luis López “Sacha”, César Seijas, Sergio Pena, Diego Mariño, Felix Gensicke, Xosé Zapata, Lino Braxe, Luis Tosar.