Reminescences of a Journey to Lithuania

• Share on twitter
• Share on facebook

Os fragmentos dunha vida de lembranzas de Jonas e Adolfas Mekas conforman unha das obras cumio de Jonas e do cine do momento. A súa chegada a Estados Unidos en 1950, retratada nas imaxes do Brooklyn dos inmigrantes, e, sobre todo, a viaxe de volta a casa, a Semeniskiai (Lituania) vintecinco anos despois, co reencontro coa nai e os irmáns, o vello mundo e os seus valores sinxelos. A memoria non cesa, vai do campo de traballos forzados en Hamburgo -onde pasan un ano logo da guerra- e, por fin, Viena, a cidade dos seus mellores amigos. Aparicións de vellos coñecidos como Ken Jacobs ou Peter Kubelka.