Desencadres: Jonas Mekas

Coincidindo co centenario do nacemento de Jonas Mekas (Lituania, 24-12-1922–Estados Unidos, 23-01-2019), a Filmoteca de Galicia programa unha serie de sesións arredor da obra deste cineasta, crítico, poeta e activista cultural, un personaxe esencial no desenvolvemento da escena cultural neoiorquina e, especificamente, do cine independente e experimental estadounidense. Entre estas sesións atópase unha presentación/lectura do libro recentemente publicado, Destellos de belleza. Anécdotas y escenas de una vida (Caja Negra, 2022), recopilación de textos de Jonas Mekas escritos en moi diversas épocas e traducidos por Pablo Marín.

.