Orfani spagnoli in Italia

• Share on twitter
• Share on facebook

Nun intento de se gañar as simpatías do público da zona “nacional”, realizouse este documental sobre a acollida recibida por nenos e nenas españois nun campamento de verán preto de Roma. Planos da bandeira italiana lembran en todo momento a quen se debeu esa xenerosa iniciativa solidaria. Desde o punto de vista cinematográfico, a escena sen dúbida máis traballada é a que serve de prólogo á curtametraxe, “documentando” o horror do que fuxían aqueles nenos españois.