Noctiluca (Magellan's Toys: #1)

• Share on twitter
• Share on facebook

É unha película de tres minutos e medio concibida para ser proxectada o segundo día do ciclo MAGELLAN. O título (nox/luceo) significa algo que brilla de noite, é dicir, a lúa, e a película consiste efectivamente nunha esfera brillante, ás veces branca, ás veces tintada, ás veces simple, ás veces dobrada e superposta. Isto suxíreme a navegación nocturna coa que tivo que contar Magallães na súa primeira volta ao mundo. (O segundo día do ciclo parece ser un inventario dos coñecementos, máquinas e armas que Magallães -e os viaxeiros de hoxe en día, como Frampton- tiñan ao comezo da súa viaxe). A película tamén remite, por suposto, á moito máis longa e monumental película de Stan Brakhage de 1973 TEXT OF LIGHT, que estudaba os reflexos prismáticos ocasionados pola luz do sol ao atravesaren un cinceiro de cristal. A película de Frampton é, caracteristicamente, máis controlada e económica que a de Brakhage, pero non menos fermosa. (Brian Henderson)