Abderrahmane Sissaka

En colaboración co Cinenómada-Festival de Cine Africano.

As películas de Abderrahmane Sissako están intimamente vinculadas coa súa vida, que se desenvolveu dacabalo entre diferentes países, culturas e continentes. A forza das emocións e das historias viviunas dun modo moi consciente desde a súa infancia. As películas do autor de Timbuktu, hoxe en día o cineasta africano máis coñecido, ás veces impresionan pola súa veracidade, sen ser nunca lacrimóxenas. A ollada, as imaxes e as emocións transmitidas polo seu cine fican moi enchoupadas polo ambiente dos seus países de orixe, Malí e Mauritania.