Rebeca

• Share on twitter
• Share on facebook

En Montecarlo, o viúvo Maxim de Winter coñece unha tímida e sinxela ama de compañía. Namorados, casan, e tras a lúa de mel, regresan á mansión familiar de Manderley. É alí onde a nova señora de Winter constata que a casa é unha especie de santuario da primeira señora de Winter, Rebeca, que faleceu afogada. A devoción por Rebeca é extrema, en especial por parte da señora Danvers, a ama de chaves, que non tarda en sentirse afectada pola presenza da “intrusa”. “Con Rebeca, o ‘toque Hitchcock’, que era anteriormente simple risco, convértese en visión do mundo. A espontaneidade sométese a un sistema. É o momento crítico para un artista: trátase de non caer no tic, a manía exhibicionista. Mais Hitchcock evita estas trampas.” (Eric Rohmer e Claude Chabrol)