Escándalo en París

• Share on twitter
• Share on facebook

A vida dunha personalidade mítica, o ladrón que rematou como xefe da Seguridade francesa a comezos do século XIX, François Eugène Vidocq. Interpretado polo inigualable George Sanders, amigo persoal do cineasta, irónico e sutil coma o espírito do filme, tece un relato que vai contando a desenfadada progresión do personaxe, desde o cárcere ou o emprego no exército de Napoleón ata o posto de xefe de policía. Logo de non prosperar unha versión da vida de Cagliostro, Sirk filma este título de atmosfera surreal, denso e perspicaz, cheo de diálogos memorables, onde fai asomar algunhas das súas imaxes recorrentes, así coma os seus grandes temas, da identidade á forza do pasado.