Edipo e Techné

• Share on twitter
• Share on facebook

A reformulación do mito de Edipo á luz dunha nova era da tecnoloxía. A traxedia de Edipo revívese no presente, a través dun angustioso e escuro xogo de ciencia moderna e probabilidade.

Edipo e Techné nace na Coruña, coma eu, por casualidade. A Coruña sempre foi para min unha Cidade Mítica pola forma en que nacín. A miña nai veraneaba na Coruña e xa estaba de min nun estado moi avanzado. Vivía cerca da praia de Riazor e tódalas mañáns, cunha barriga enormemente fálica, a miña nai ía bañarse no mar. Naqueles anos non había refinería en Arteixo, A Coruña tiña trolebuses e aínda a cidade estaba chea de galerías. A miña nai sempre tiña o costume de meterse moi adentro no mar. Un deses días, cando a miña nai nadaba moi lonxe da praia, nacín eu. Eu traguei moita auga e miña nai sangraba como un atún na «almadraba». Salváronos uns pescadores do Gran Sol que pasaban por alí. (Ignacio Vilar)