Carboneros de Navarra

• Share on twitter
• Share on facebook

Primeiro traballo de Montxo Armendáriz no cinema, un retrato coral dos últimos carboeiros das montañas de Nafarroa, no que rexistra as técnicas tradicionais da obtención do carbón e inmortaliza os testemuños dunha enorme variedade de paisanos. Nafarrako Ikazkinak é así un traballo que transcende a pura documentación e o tema do seu título para compor unha radiografía sociolóxica e etnográfica duns costumes en perigo de desaparición.

Armendáriz coñeceu no proceso a Tasio Otxoa, quen inspiraría o protagonista da súa ópera prima de ficción.

A restauración dixital de Nafarrako ikazkinak -Carboneros de Navarra- realizouse na Filmoteca Vasca en 2023, supervisada polo seu director Montxo Armendáriz.