Sincerity I, II e III

SINCERITY I, II e III
(Estados Unidos, 1973-1978)
Dirección e produción: Stan Brakhage. Duración: 100 minutos.
Montadas ao longo de oito anos (1973-1980), as cinco películas da serie Sincerity desenvólvense durante un período que cubriría trinta anos da biografía de Stan Brakhage e a súa familia. Brakhage sérvese de material propio, auténticas home movies, pero tamén de metraxe filmada por Bruce Baillie, Jane Brakhage, Larry Jordan e Stan Phillips, entre outros. Sincerity está concibida en paralelo a outra serie, Duplicity (1978-1980), e xunto con outras, como, por exemplo, Scenes From Under Childhood, xa proxectada no CGAI, conformarían un xigantesco ciclo autobiográfico, The Book of Family.