MUTACI(O)NES: Novas perspectivas do cine contemporáneo
Do 1 de xullo de 2006 ao 31 de xullo de 2006
A sección “Mutaci(o)nes”, iniciada en xullo de 2005, culmina un ano despois coa celebración de catro mesas redondas nas que se abordan os aspectos fundamentais que configurarían este movemento das Movie Mutations: a nova cinefilia representada polos blogs e as revistas on-line especializados, a crítica cinematográfica vista agora desde unha perspectiva máis distante, o auxe e a consolidación do DVD como método alternativo de difusión e, por último, as novas formas do relato cinematográfico. Un escenario mutante que será analizado nunhas xornadas que adoptan o esquema das tamén celebradas hai agora un ano en torno ao "Cine de autor en España. Un modelo a debate" e que nesta ocasión pretenden tomar o pulso a un dos fenómenos máis singulares do cine contemporáneo.
O mércores día 19 ás 18 horas mesa redonda “Nova cinefilia: crítica cinematográfica e revistas cinematográficas on-line desde Galicia” coa presencia de José Manuel López, Martin Pawley e un membro do equipo da revista dixital “Cinema Friki”. Ás 20.30 horas mesa redonda “As mutacións da crítica”, onde interveñen Carlos F. Heredero, José Luis Fecé, Roberto Cueto e Gonzalo de Lucas.
O xoves día 20 ás 18 horas mesa “Mutacións da difusión: o DVD”, con membros das empresas do sector videográfico “Cameo”, “FNAC”, “Notro Films” e “Intermedio”. Peche ás 20.30 horas coa mesa redonda “Hibridacións da ficción: Novos relatos”, moderada por Ángel Quintana e coa presencia dos cineastas Albert Serra e Isaki Lacuesta.
Agradecementos: Albert Serra, Isaki Lacuesta, Ángel Quintana, José Manuel López, Martin Pawley, Cinema Friki, Carlos F. Heredero, José Luis Fecé, Roberto Cueto, Gonzalo de Lucas, Cameo, FNAC, Notro Films, Intermedio.
![SARABAND SARABAND](https://filmotecadegalicia.xunta.gal/sites/w_pcgai/files/styles/large/public/programacion_672.jpg?itok=47siF5HM)
SARABAND
![HONOR DE CAVALLERIA HONOR DE CAVALLERIA](https://filmotecadegalicia.xunta.gal/sites/w_pcgai/files/styles/large/public/programacion_673.jpg?itok=vYHekPb-)
HONOR DE CAVALLERIA
![LA LEYENDA DEL TIEMPO LA LEYENDA DEL TIEMPO](https://filmotecadegalicia.xunta.gal/sites/w_pcgai/files/styles/large/public/programacion_678.jpg?itok=a5f5zkAr)