OFF GALICIA

A estrea da esperada longametraxe de Ángel Santos Dous fragmentos /Eva (2011), vai acompañada dun variado repertorio de traballos galegos. Desde a sesión dedicada simultaneamente a un director (Seném Outeiro) e a unha produtora independente (Filmika Galaika) ata unha aproximación á cultura urbana (Ejes), de estimulantes traballos documentais, como o do crítico Eloy Domínguez (Hijos de Sansón), Alberto Lobelle, xa curtido en Documenta Madrid (Matisse se escribe con dos eses) ou David Varela (Banaras Me) á Mostra IVAHM, comisariada polos galegos Francisco Brives e Néstor Prieto, que contén pezas de videoarte de Colombia e Israel. A videodanza atopa espazo de exhibición cunha sesión que reanima a pluralidade de propostas existente: Bloody’s coffee (Masako Hattori), Danza na terra (José Manuel Vilaboy), Os tentáculos dos anxos (Xurxo Gómez-Chao) e Arteandando (Carlota Pérez, Sergio Zearreta e Xurxo Gómez-Chao).

Agradecementos: Roi Carballido, Seném Outeiro, Xurxo Chirro, Manuel Silva, Ximena Losada, Eloy Domínguez, Estefanía Vázquez, Clara Porta Soler, Silvia Longueira, Fundación Luis Seoane, Museo de Belas Artes da Coruña, Carlota Pérez, Xurxo Gómez-Chao, Sergio Zearreta, José Manuel Vilaboy, Masako Hattori, Kirenia Martínez, Beatriz Pérez, Ángel Santos, Daniel Froiz, Iria Pinheiro, Francisco Brives, Lola Martínez, David Varela, Alberto Lobelle.