Off Galicia: videodanza

55'. Vídeo. Presentación a cargo dos seus autores. Entrada de balde.

BLONDY’S COFFEE. AL LADO DEL CUERPO
(España, 2010)
Dirección e guión: Masako Hattori. Produción: Artestudio Xestión Cultural e Entremáns. Fotografía: Román Montesinos. Intérpretes: Kirenia Martínez, Beatriz Pérez. Duración: 15 minutos.
Dous corpos de mulleres a danzar, a súa creación de dueto procurando o seu lugar, o seu espírito, procurándose unha á outra, ao lado do outro corpo… as súas vivencias, os seus recordos que flúen, a través do movemento, vibrando as emocións, cada intre, sen forma, sen deixar pegada.

DANZA NA TERRA
(España, 2006)
Dirección e guión: José Manuel Vilaboy. Produción: José Manuel Vilaboy e Álvaro Liste. Fotografía: Xosé R. Garrido. Intérpretes: Ruth Balvís, David Loira. Duración: 16 minutos.
“Máis alá do videoclip, entre a ficción e a realidade, entre o documental e a vídeo-danza. Danza na terra ofrece unha nova perspectiva formal sobre a desaparición dunha forma de vida e o vínculo co lugar. Un ancián, o último habitante dunha aldea do Courel, ve como un verán un grupo de mozas e mozos enchen as rúas do lugar de esculturas e pinturas. Mentres o vello segue coa súa vida tranquila, eles teñen tempo de descubrir a natureza, visitar outros lugares, namorarse e, sobre todo, bailar" (José Manuel Vilaboy).

OS TENTÁCULOS DOS ANXOS
(España, 2006)
Dirección: Xurxo Gómez-Chao. Guión: Xurxo Gómez-Chao. Produción: Fundación Luis Seoane. Fotografía: Xurxo Gómez-Chao. Coreografía: Bárbara Monteagudo. Montaxe: Nan Casal.
Intérpretes: Bárbara Monteagudo e a compañía Pisando Ovos. Duración: 12 minutos.
Como parte integrante dun proxecto multidisciplinar que tomaba como referencia a representación de polbos e anxos na obra de Luis Seoane, o artista plástico Xurxo Gómez-Chao elabora unha instalación. Bárbara Monteagudo coreografía e o resultado é unha peza musical que complementa a exposición.

ARTEANDANDO
(España, 2005)
Dirección: Xurxo Gómez-Chao, Sergio Zearreta e Carlota Pérez. Produción: ExperimentaDanza e Xurxo Gómez-Chao. Duración: 12 minutos.
Obedecendo á vocación interdisciplinar do Museo de Belas Artes da Coruña, unha produción que integra a linguaxe corporal e as artes plásticas nun espazo delimitado como o do museo. Trátase dun espectáculo de danza contemporánea cunha estética e argumento relacionados coas obras do museo. Selección de pezas.