Cine español: banda á parte (2)

Xa organizado o pasado ano, o ciclo Banda á parte chega para ficar na programación do CGAI. Trátase de xuntar unha escolma heteroxénea dalgúns dos filmes españois máis vangardistas, feitos desde a máis absoluta independencia e liberdade artística. Unha serie diversa de títulos de expertos francotiradores, moitos adscritos ao que se vén dando en chamar o Otro Cine Español, que baixo preceptos estéticos de moda nos últimos debates fílmicos a nivel internacional, colocan España no mapa. Son a nosa xeración de ouro, o dream team do cinema español. Moitos deles visitarán a filmoteca para debateren co público as súas últimas obras.