Programa 6. ESPAÑA HEROICA

ESPAÑA HEROICA (ESTAMPAS DE LA GUERRA CIVIL)
(España-Alemaña, 1938)
Director: Joaquín Reig Gozalbes. Produción: Hispano Films Produktion (Berlín). Duración: 86’.
O proxecto de película-reportaxe máis ambicioso desde o lado franquista. Achega unha visión da historia de España que arranca da súa grandeza imperial e as perdas sufridas a través de séculos de decadencia. Presenta a República como unha etapa de disturbios e convulsións na que o país chega ao bordo da súa extinción como nación. A violencia republicana é expresada mesturando imaxes da República e da guerra; a esperanza de rexeneración vén dada polos sucesos significativos establecidos pola mitoloxía nacionalista. O alzamento (Franco sae dunha igrexa) viría a salvar a España.