OPEN THE DOOR, PLEASE

OPEN THE DOOR, PLEASE
(Francia, 2007)
Dirección: Joana Hadjithomas e Khalil Joreige . Guión: Joana Hadjithomas, Khalil Joreige e Yann Le Gal. Produción: Tara Films (Francia). Fotografía: Benoît Chamaillard. Intérpretes: Maxime Juravliov, Bernard Lapène. Duración: 12 minutos
A clase está formada para a foto oficial do curso e o fotógrafo desespérase: quen é ese rapaz que lles saca 30 centímetros de altura aos seus compañeiros e que lles estraga o encadramento? Breve e deliciosa comedia que homenaxea a Tati e aos seus antolóxicos “torpes”, eminentes “sabotadores” da uniformidade, partindo dun encargo para a longametraxe colectiva Enfances, que recolle momentos da infancia de grandes directores da Historia do cine.