The Cup and the Lip

• Share on twitter
• Share on facebook

Alén de atraccións, vías de tren, animais e outros motivos recorrentes na montaxe polivalente de Sonbert, a película céntrase no espazo social de cidades europeas e estadounidenses, salientando a monumentalidade de grandes prazas ou edificios, así como as dinámicas de control e axitación social (policías, militares, manifestantes). Abre cun desfile militar en Budapest filmado durante a semana do desastre de Chernobyl e pecha coa manifestación en San Francisco contra a xuíza do Tribunal Supremo Sandra Day O'Connor.

«Un remexido mesturado con ingredientes reunidos durante tres anos, guisado ata lograr un gulash áxil e misántropo. De cheo no vórtice político —a diferenza do ámbito do retrato—, a forma fustriga o contido cun brusco impulso». (Warren Sonbert)