Nación

• Share on twitter
• Share on facebook

Estrea da cuarta longametraxe de Margarita Ledo, precedida pola magnífica acollida no Festival de Sevilla, premio incluído; poucos títulos contemporáneos amalgaman con tanta nitidez a esixencia coa pertinencia. A través do relato dun grupo de carismáticas traballadoras da fábrica galega de cerámica Pontesa (1961-2001), Margarita Ledo constrúe un relato, a modo de caixa de resonancias, que contén trazos de ensaio, poesía ou representación, un retrato feminino, xeracional e colectivo, emotivo e comprometido onde conviven complicidades como as de Mónica de Nut, Eva Veiga, Alberte Branco “Bertitxi”, Marcos Flórez, Mercedes Peón ou Mónica Caamaño.