![Premios Mestre Mateo 2021](https://filmotecadegalicia.xunta.gal/sites/w_pcgai/files/styles/full_width_breakpoints_theme_cgai_xs_1x/public/ons.jpg?itok=YI-Kal--×tamp=1619995186)
Premios Mestre Mateo 2021
Do 20 de maio de 2021 ao 22 de maio de 2021
O ano máis traumático da historia recente, 2020, devén, non obstante, nunha listaxe de filmes galegos de calidade moi notable. O resultado da edición de 2021 dos Premios Mestre Mateo deixa pegadas do enorme talento en circulación. Ons de Alfonso Zarauza é a gran triunfadora con nove premios, gañadora ademais do premio á mellor película, un filme con Antonioni na lembranza, paisaxe telúrica e conto, ben localizado nunha comunidade precisa, onde misterio e intimismo converxen. Con Nación de Margarita Ledo, mellor documental, asistimos a unha robusta miscelánea de materiais arredor da muller, do traballo e do propio estatuto da imaxe. A webserie de Lucía Estévez e Miguel Canalejo, Xan, cativa pola súa orixinalidade e humor arrasador; a curta de animación, Carne, percorreu o mundo co seu retrato do corpo femenino e, Xoves de comadres, de Noemí Chantada consolida a veracidade cotián co que acredita a súa solvente traxectoria.
![Ons](https://filmotecadegalicia.xunta.gal/sites/w_pcgai/files/styles/large/public/ons_2.jpg?itok=zyPxkwp6)
Ons
![Nación](https://filmotecadegalicia.xunta.gal/sites/w_pcgai/files/styles/large/public/nacion_0.jpeg?itok=9ksjsknA)
Nación
![Xoves de comadres](https://filmotecadegalicia.xunta.gal/sites/w_pcgai/files/styles/large/public/xoves_de_comadres_s-497570169-large.jpg?itok=dowHjcG5)
Xoves de comadres
![Carne](https://filmotecadegalicia.xunta.gal/sites/w_pcgai/files/styles/large/public/carne.jpg?itok=K8e-249w)
Carne
![Xan](https://filmotecadegalicia.xunta.gal/sites/w_pcgai/files/styles/large/public/cartel-xan-serie-e1583430695972_0.jpg?itok=eLTFwFg_)