Costa da Morte

• Share on twitter
• Share on facebook

A Costa da Morte é unha zona de Galicia que foi considerada a fin do mundo durante o Imperio Romano. O seu dramático nome provén dos numerosos naufraxios que se sucederon ao longo da historia nesta área feita de rochas, brétemas e temporais. Atravesamos esta terra e observarmos as persoas que a habitan: pescos, mariscadores, madeireiros... Somos testemuñas do traballo que realizan, co cal manteñen á vez unha relación íntima e unha batalla antagónica coa inmensidade do territorio. O vento, a pedra, o mar, o lume, son personaxes neste filme, e a través deles achegámonos ao misterio que supón a paisaxe, entendida como unha unidade xunto ao home, a historia e o mito. Filme poético e ben elaborado, un dos fitos do cine galego, premiado, entre outros festivais, en Locarno e Sevilla.