Santiago

João Moreira Salles, 2006

80 minutos

Santiago é un documental sobre unha película inacabada. Santiago foi mordomo na casa onde medrou o director. Foi un home dunha vasta cultura e unha memoria prodixiosa, cuxa idiosincrasia deixou fondos recordos na familia. Anos antes, o director intentara facer unha película sobre el, mais non o conseguiu. Nesta ocasión, retoma a película para buscar os motivos que o fixeron abandonar. Santiago é unha película sobre a memoria, a identidade e a propia natureza do documental. (DocumentaMadrid)