O poder dos pesadelos. Episodio 1: Rula, vai frío aí fóra
The Power of Nightmares. Episode 1: Baby It's Cold Outside
- 59 minutos
Primeira parte dunha triloxía sobre o pensamento islamista, en que Curtis explica como se formou e a súa influencia na escena política mundial. O cineasta, cunha capacidade analítica notable, adiántase, mesmo unha década antes do seu xurdimento, a preconizar o obxectivo dun estado islámico.
A primeira parte da serie explica as orixes do islamismo e do neoconservadurismo. Mostra o funcionario exipcio Sayyid Qutb, presentado coma o fundador do pensamento islamista moderno, en visita aos Estados Unidos para aprender sobre o sistema educativo norteamericano. Sayyid Qutb sente repulsa polo que xulga a corrupción da moral e da virtude na sociedade occidental a través do individualismo.
Cando volve a Exipto, amólao a occidentalización de Gamal Abdel Nasser e convéncese de que para salvar a súa propia sociedade esta debe ser completamente reestruturada na liña da lei islámica ao tempo que se usa tecnoloxía occidental. Persuádese, por tanto, de que a súa visión só pode executarse mediante o uso dunha "vangarda" de elite para encabezar unha revolución contra a orde establecida.
Qutb convértese no líder dos Irmáns Musulmáns e, tras ser torturado nos cárceres de Nasser, chega a crer que se pode matar xustificadamente os líderes influenciados por Occidente para borrar a súa corrupción.
A Qutb execútano en 1966, mais influencia a Ayman al-Zawahiri, futuro mentor de Osama bin Laden, quen dá forma a un novo grupo islamista secreto. Inspirado na revolución iraniana de 1979, Zawahiri e os seus aliados asasinan o presidente exipcio Anwar Al-Sadat en 1981 coa esperanza de comezar a súa propia revolución.
Porén, a revolución non se materializa e Zawahiri disuádese de que unha maioría de musulmáns están corruptos, non só pola influencia dos seus líderes de inspiración occidental, senón porque os mesmos musulmáns se viron afectados pola jahilliyah e, xa que logo, son lexítimos brancos de violencia se desbotan unirse á súa causa.
Continuaron a crer que unha vangarda era necesaria para se alzaren e desaloxaren o réxime corrupto, e así substituílo por un estado islámico “puro”.
Adam Curtis Documentary