MIEDO A SALIR DE NOCHE

MIEDO A SALIR DE NOCHE
(España, 1979)
Dirección: Eloy de la Iglesia. Guión: Eloy de la Iglesia, José María Palacio e Roberto Bodegas. Produción: Balu Films / Alfaro Films. Fotografía: José G. Galisteo. Intérpretes: José Sacristán, Antonio Ferrandis, Claudia Gravi, Tina Sainz. Dur.: 109 min.
Sen dúbida, o gran cronista da transición foi Eloy de la Iglesia, un cineasta que non se detiña nas súas pullas a todos os estamentos. Popular, honesto, vitriólico, lúbrico, traxicómico, polémico, rudo, maltratado e hoxe máis vivo que nunca, arremetía aquí contra unha infame proclama da dereita cavernícola: a ecuación inseguridade cidadá igual a democracia. O proveito de elementos populares engadido á viveza panfletaria asumida e a formas melodramáticas eficaces, perfila unha hábil narración ben acompañada por cancións de “Los Chichos”.