METRÓPOLIS
Fritz Lang, 1926
134´. Muda con rótulos en galego.
METROPOLIS / METRÓPOLIS
(Alemaña, 1926)
Dirección: Fritz Lang. Guión: Fritz Lang e Thea von Harbou. Produción: UFA. Fotografía: Karl Freund e Günther Rittau. Intérpretes: Brigitte Helm, Alfred Abel. Duración: 134 minutos.
A película máis cara da UFA foi unha emblemática parábola futurista instalada no ano 2026 onde os obreiros vivían e traballaban dez pisos baixo terra. Unha moza, María, ante a posibilidade de sublevación tranquilízaos falando dun futuro apracible e mellor. O amo da cidade, Fredersen, ordénalle ao científico Rotwang que cree un robot coas faccións de María, dada a súa influencia nos traballadores, para levalos a unha rebelión suicida. Lendaria superprodución a modo de visionaria coreografía de imaxes marcada pola precisión e as simetrías da arquitectura visual proposta por Lang.