Voici nel tempo

• Share on twitter
• Share on facebook

A fermosísima localidade de Castellaro Lagusello, unha das máis pintorescas de toda Lombardía e situada moi preto de Pozzolengo, serve de incomparable contorna para unha das máis belas obras de Franco Piavoli. No transcurso dun só día, asistimos ao curso completo que conforma a nosa vida, calquera vida: os inocentes xogos da infancia, as dúbidas e inseguridades propias da adolescencia, a plenitude e o pulo reprodutivo que sentimos durante a madureza e, por último, a proximidade do tránsito definitivo que acompaña a senectude. Voci nel tempo demostra que ninguén como o cineasta italiano conseguiu sintetizar o ciclo vital inherente á nosa especie nun período e espazo tan limitado, nin acompañalo dunhas imaxes tan fermosamente encadradas, tan eminentemente significativas. Unha peza de referencia para afondar na arte inigualable dun cineasta de culto. [Martín Cuesta/FICX]