MARIE POUR MÉMOIRE

MARIE POUR MÉMOIRE
(Francia, 1967)
Dirección e guión: Philippe Garrel. Fotografía: Michel Fournier. Produción: Philippe Garrel e Claude Berri / Centre de la Recherche. Intérpretes: Zouzou, Didier Léon, Nicole Laguigné, Thierry Garrel. Duración: 73 minutos.
Dúas parellas novas monologan enriba das súas respectivas camas, sen mirarse, sen escoitarse, recitando as palabras desapaixonada, case mecanicamente. A través de situacións surrealistas e de declaracións inconexas que van do metafísico ao sociolóxico, da cita filosófica á reflexión sobre a soidade, fíltrase o desencanto e a perplexidade dos personaxes e unha sorte de análise dos xestos e rituais que poden desembocar na revolta.