Maidan

MAIDAN
(Ucraína-Holanda, 2014)
Dirección: Sergei Loznitsa. Fotografía: Mykhailo Yelchev e Sergei Loznitsa. Produción: ATOMS&VOID. Duración: 130 minutos.
A potencia do cine como ferramenta de construción da historia nun filme de urxencia que recolle o acontecido no inverno de 2013/2014 na Praza da Independencia de Kiev, coñecida para sempre como Maidan. A observación comedida e paciente do cineasta bielorruso Loznitsa (My Joy, In the Fog, O milagre de Santo Antonio) monta e organiza con axilidade e eficacia a lectura do proceso. As protestas pola negativa de Yakunovich a ingresar na Unión Europea, a concentración na praza e o brutal remate deste suceso conflitivo crucial na política actual.