Ma l'amor mio non muore

MA L’AMOR MIO NON MUORE
(Italia, 1913)
Dirección: Mario Caserini. Guión: Emiliano Bonetti e G. Monleone. Produción: Film Artistica Gloria. Fotografía: Angelo Scalenghe. Intérpretes: Lyda Borelli, Mario Bonnard. Duración: 80 minutos.
Un melodrama sobre amor, traizón e morte, un mergullo no imaxinario, na cultura e no estilo art nouveau. En 1913 nace o fenómeno italiano de diva-película, que durante uns poucos anos fixo delirar o público italiano e o europeo en xeral. Lyda Borelli, a protagonista, é a máis sedutora e lánguida, a máis libre e decadente, e esta película pasa por ser a máis emblemática e elegante deste período. Internacional e pictórica, son moitas as fontes: d’Annunzio, Oscar Wilde ou os prerrafaelitas.