L'armée des ombres / El ejército de las sombras

L'armée des ombres / El ejército de las sombras
(Francia, Italia, 1969)

Dirección e guión: Jean-Pierre Melville. Fotografía: Pierre Lhomme, Walter Wottitz. Intérpretes: Lino Ventura, Simone Signoret, Paul Meurisse, Jean-Pierre Cassel, Paul Crauchet. Dur: 143'.

Francia, 1942. Sospeitoso de ideas gaullistas, o enxeñeiro Philippe Gerbier é encarcerado e transferido á Gestapo, de onde consegue evadirse. Acaba por revelarse coma un dos xefes da Resistencia, homes e mulleres que pouco teñen en común, agás a necesidade de actuar: Luc Jardie, o filósofo matemático, o seu irmán Jean-François, insensato tentado pola aventura – cada un deles ignorante das actividades do outro –, Mathilde, a Máscara, o Visón, e un feixe de caras anónimas… Unha longa viaxe ás profundidades da noite comeza para estes soldados da clandestinidade, entre transmisións de informacións e asasinatos políticos, perseguidos pola Gestapo e a policía de Vichy. Unha viaxe que non ha ter retorno para a maior parte deles. O filme está adaptado dunha novela homónima de Joseph Kessel que apareceu en 1943.