La noche del cazador

THE NIGHT OF THE HUNTER / LA NOCHE DEL CAZADOR (Estados Unidos, 1955) Dirección: Charles Laughton. Guión: James Agee, sobre unha novela de Davis Grubb. Produción: Paul Gregory Productions. Fotografía: Stanley Cortez. Intérpretes: Robert Mitchum, Shelley Winters, Lilian Gish. Duración: 93 minutos. Un pai de familia con dous fillos comete un asasinato e obtén 10.000 dólares que agocha nunha boneca de trapo. Failles prometer aos seus cativos que gardarán silencio, antes de que o deteñan e xulguen. Un predicador condenado por roubo co que compartía cela sae do cárcere e vai na procura dos cartos. Pronto casará coa viúva... Única película dirixida polo actor Charles Laughton e un dos contos de terror -cru e humorístico a un tempo- máis rupturistas e orixinais nunca vistos, como “un suceso horrendo contado por un neno pequeno […]. Charles Laughton non tivo medo a saltar algúns semáforos en vermello nin a derrubar algúns policías nesta película única que consegue que nos guste o cine de “procura” cando de verdade busca e o cine de “achádegos” cando de verdade atopa” (François Truffaut, Les films de ma vie, 1975).