Kirikú y las bestias salvajes

KIRIKÚ Y LAS BESTIAS SALVAJES / KIRIKOU ET LES BÊTES SAUVAGES (Francia, 2005)
Dirección: Michel Ocelot, Bénédicte Galup. Guión: Philippe Andrieux, Marie Locatelli, Michel Ocelot e Bénédicte Galup. Produción: Les Armateurs, Jet Media e Armada. Duración: 75 minutos.
Segunda entrega das aventuras de Kiriku, especie de “garavanciño” nunha aldea africana, un filme que logrou entusiasmar nenos de todo o mundo coas súas aventuras. Presentada no Festival de Cannes 2005, con música de Manu Dibango e Youssou N’Dour, a historia nárrase como os tradicionais contos africanos transmitidos de modo oral onde o avó, desde a gruta azul, nos conta como Kiriku se converte en xardineiro, detective, oleiro, comerciante, viaxeiro e médico e como o máis novo e valente dos heroes terá que pescudar no seu interior para encontrar o valor, a astucia e a xenerosidade necesarias para triunfar sobre o mal. A través de vellas fábulas e con gran sinxeleza a película fálanos de valores como o amor, a amizade, a tradición e o respecto polo medio ambiente e as persoas e seres que o enriquecen. Versión castelá.