Intolerance: Love's Struggle Throughout the Ages / Intolerancia

Intolerance: Love's Struggle Throughout the Ages / Intolerancia
(Estados Unidos, 1916)

Dirección e guión: D. W. Griffith. Fotografía: G. W. Bitzer. Intérpretes: Lillian Gish, Mae Marsh, Robert Harron, F. A. Turner, Sam De Grasse, Vera Lewis, Mary Alden. Dur: 163’.

“Nárranse, de xeito paralelo, catro historias localizadas en diferentes épocas: a caída de Babilonia no ano 539 a. C.; a Paixón e morte de Xesucristo na Xudea do século I; a Masacre da noite de San Bartolomeu na Francia de 1572; e outra ambientada na etapa contemporánea.

Se hai unha película monumental por excelencia na historia da sétima arte, esa non é outra que Intolerancia, o proxecto máis ambicioso do realizador estadounidense David Wark Griffith (custou ao redor de doce millóns de dólares da época) e un dos títulos esenciais da cinematografía silente. Esta reflexión acerca da intolerancia, do amor, da traizón e do odio a través dos tempos, segue sorprendendo, case un século despois da súa estrea, pola súa mastodóntica concepción visual e o seu vigor narrativo.

(…) Dende un punto de vista técnico, Intolerancia debe ser considerado un dos títulos máis influíntes de todos os tempos grazas ao uso que fai da montaxe paralela (levada a límites insospeitados ata entón), a certas innovacións coa cámara (prodixioso o plano en que a cámara parece descender dende os ceos de Babilonia para se pousar sobre a cidade), á profundidade de campo de determinadas escenas (Griffith saliéntaa ao dotaren de movemento as figuras que aparecen nun segundo e terceiro termo), e á mobilización de grandes masas dentro do encadre (os extras que participaron na película cóntanse por miles)”.

(Ricardo Pérez Quiñones, Esculpiendo el tiempo)

Restauración en 2K.