A virxe roxa

• Share on twitter
• Share on facebook

Aurora Rodríguez elabora un plan perfectamente estudado: dar a luz á muller que vai guiar a España por unha nova orde social. Educar a unha filla para que sexa o ser perfecto; un resultado meticulosamente calculado. Hildegart, con só 18 anos é unha das figuras intelectuais máis destacadas da Segunda República e unha experta en sexoloxía. O 9 de xuño de 1933, Aurora mata a tiros a Hildegart mentres esta durme. A filla decidira ter vida propia e polo tanto desviarse do camiño marcado pola súa nai. Peza de montaxe deslumbrante, cun corpus inxente de imaxes e coñecidos narradores, testemuñas e segmentos de animación, gañou o último premio Mestre Mateo ao mellor documental.