At the Vienneese Prater

• Share on twitter
• Share on facebook

Xa o título chama á confusión: a película de Friedl vom Gröller Im Wiener Prater non trata, concretamente, sobre o parque de atraccións que normalmente se asocia a ese nome. O espectáculo na película de Friedl vom Gröller ten lugar nun sentido moito máis básico. Nada máis empezar, vemos o trípode da cámara abandonado, a cineasta foise –como descubriremos enseguida– tras os pasos dunha muller (a artista Martina L.). Coidadosamente, oculta –cunha mirada masculina minuciosamente codificada– achégase á muller desprevida que está a dar un paseo. O que se nos mostra, unha muller ouriñando en primeiro plano, activa un pracer na investigación do tabú quasi-infantil: son evidentes aquí tanto a referencia consciente ao Accionismo Vienés como a chiscadela a unha película anterior de Friedl vom Gröller co grupo artístico Gelatin, Boston Steamer (2009), sobre o proceso de excreción anal. Pero máis que os primeiros planos de detalles anatómicos e a sexualización asociada a eles, o que é realmente ‘perturbador’ en Im Wiener Prater é a mirada imposta ao espectador: esta muller míranos, desafiante e segura de si mesma –isto si que é puro cinema de atraccións.