Presentación do fotolibro "Hot España", de María Meseguer

• Share on twitter
• Share on facebook

Hot España é un fotolibro creado a partir dunha serie de percorridos por diversas cidades, por diversos interiores e exteriores, polo centro e os arrabaldos, por onde acaba a cidade e comeza o campo, ao longo dos anos, que insiste nunha ollada atenta, vagabunda e sensible. O que máis lle chama a atención a María Meseguer (Madrid, 1966) son os espazos baleiros, as sombras proxectadas, as fachadas erosionadas, os escaparates. Imaxes entrevistas, fuxidías, evocadoras, que constrúen, ao dispoñérense en forma de libro, unha nova deriva.