PIlares de la sociedad

• Share on twitter
• Share on facebook

Bernick, un rico armador dunha cidade costeira norueguesa, ocultou o feito de que é o pai ilexítimo de Dina. O seu compracente engano resulta ameazado polo regreso desde o Oeste americano do único home que está en posesión da verdade sobre o seu pasado, Johann Tönnessen, que chega á cidade cun circo e ao que se lle atribuíra a paternidade de Dina sen que el o soubese.
“Eu aprendera que o importante no cine é a capacidade para percibir unha película na súa continuidade. Durante a rodaxe d'A novena sinfonía, ao ano seguinte, percateime de que debía haber un ton sostido de interpretación, de iluminación e demais, e verás este estilo por primeira vez n' A novena sinfonía. Mais xa antes tivera algunhas intuicións diso. Este ton sostido é moi importante. Ford posúe ese talento. E creo que Hawks o posúe tamén. Non ten nada que ver coa historia. É unha cuestión de estilo. Os encadres son enormemente importantes; descubrino por primeira vez en Stützen der Gesellschaft. Os encadres son as ideas do director. A iluminación é a súa filosofía. Mesmo neste sentido: moito antes de Wittgenstein, algúns dos meus contemporáneos e eu aprendemos a desconfiar da linguaxe como instrumento e tradutor fiel da realidade. Por iso aprendín a confiar nos meus ollos máis que na vaidade das palabras.” (Jon Halliday, Douglas Sirk por Douglas Sirk)