Pachamama-Nuestra tierra

• Share on twitter
• Share on facebook

Pachamama-Nuestra tierra é un diario de viaxe filmado en Ecuador. Peter Nestler escribiu sobre ese traballo: «A película trata das culturas indíxenas de Ecuador, sobre o que é o pasado e o que se conserva, sobre destrución e resistencia, sobre novas maneiras de persistir, sobre a música das zonas altas dos Andes, sobre a música das cidades e a de lugares con clima tropical entre os descendentes de escravos africanos. A película é sobre a Terra, sobre traballar coa Terra, que é sagrada para os indíxenas. Un informe sobre a beleza que silencia, sobre a amizade, mais tamén sobre a dor».