Les Antiquités de Rome

• Share on twitter
• Share on facebook

Na súa primeira longametraxe, Jean-Claude Rousseau propón unha travesía sensorial e sentimental por sete ruínas e varios cuartos de hotel da cidade de Roma. Motivos como o desdobramento, a escisión ou a imposibilidade de representar, desprázanse continuamente entre un rigoroso traballo formal e a vivencia dunha conversión.

Orientado pola estrutura bipartida de Les antiquités de Rome, do poeta Joachim du Bellay, Rousseau reuniu 42 bobinas filmadas ao longo de seis anos, dispoñéndoas en bloques que animan formas métricas (rimas, simetrías, elipses, diáforas). Os monumentos e os cuartos son encadradas segundo un principio de aplanamento, atraendo trampantollos e oclusións que baleiran toda interpretación literal ou representativa para potenciar a circulación dos motivos (plásticos, simbólicos, sentimentais) en correspondencias establecidas por unha imaxinación lírica.