La golondrina cautiva

• Share on twitter
• Share on facebook

No Londres vitoriano, Gloria Vane, unha cantante de music-hall, carga coas culpas do seu presuntuoso e débil amante, Sir Albert Finsbury, oficial do exército que falsificou un cheque. É condenada a sete anos nun penal de Australia, nun infernal cabozo. Mentres tanto, Finsbury foi trasladado a Australia como axudante de campo do gobernador e  convértese no prometido da filla deste.
“É unha obra de crítica social, da clase que a min me gusta. Quizais algúns pensaron que era antiinglesa, mais hai moito máis ca iso. Hai o mesmo tipo de crítica social nesta que en La Habanera. Detesto o termo de ‘crítica social’ porque se converteu nun clixé, mais non parece que exista outra expresión para describir este tipo de película. (…) En realidade, La golondrina cautiva é unha boa película para falar dela porque ten dous elementos que son fundamentais no meu cine: este aspecto de conciencia social e  tamén a clase de personaxe que me interesa, o papel interpretado por Willy Birgel (Sir Albert Finsbury). O tipo de personaxe que sempre me interesara, tanto no teatro coma no cine, e que procurei manter tamén no melodrama, é o indeciso, o ambiguo, o inseguro. A inseguridade e a vaguidade dos obxectivos do home están no centro de moitas das miñas películas, por agochadas que poidan acharse esas características.” (Jon Halliday, Douglas Sirk por Douglas Sirk)