Il planeta azzurro

• Share on twitter
• Share on facebook

A primeira longametraxe de Franco Piavoli, realizada xa na madureza e tras unha ampla carreira no campo da fotografía, foi cualificada polo cineasta ruso Andrei Tarkovsky como unha das películas máis importantes do seu tempo. Este acendido eloxio por parte dun dos máis relevantes autores da historia do cine non resulta estraño, xa que a vontade de trascender que desprenden as imaxes do realizador italiano conxuga perfectamente co delicado universo do autor de Stalker. Il pianeta azurro establécese así coma unha peza cosmolóxica, no sentido pleno de dito termo, un compendio de todo, de todas as cousas que existen e que poden ser ordenadas racionalmente, desde a primeira luz ata a escuridade final: é posible falar dese todo sen afastarse dunha pequena localidade da Lombardía rural? Piavoli demostra con esta obra mestra que non existe nada imposible. [Martín Cuesta/FICX]