Din que non falan

• Share on twitter
• Share on facebook

Aos pés dun outeiro no límite da cidade, dous vellos amigos pasan o tempo sentados nunha rocha. Máis tarde, dous mozos ocupan ese mesmo lugar. Sucédense as conversas que revelan suxestivos paralelismos sobre as súas vidas e sentimentos. Co caer do día, unha muller madura, evocando recordos e poesía, confirma certo misterio que o envolve todo: natureza, corpos e palabras… Filmada por un pequeno equipo durante tres xornadas do mes de xuño na cidade da Coruña. Entre o barrio dos Rosales e o Monte de San Pedro, existe unha zona verde con camiños de terra que soben ao monte e a vexetación cobre o outeiro. É sobre unha desas rochas, xunto a un parque de skate, onde están sentados un día calquera os nosos protagonistas.