Diario para mis padres

• Share on twitter
• Share on facebook

Outubro de 1956. Juli non pode volver a Hungría dende Moscú porque as fronteiras están pechadas. Os soviéticos invadiron Budapest e depuxeron ao primeiro ministro Imre Nagy. János participa activamente nestes eventos. Cando por fin Juli pode regresar, intenta inmortalizar todo o que está a acontecer. Escapa con János a Austria porque temen pola súa vida, mais finalmente decide volver e é brutalmente executado na forca.

Mészáros ataca o gran tabú do seu país durante décadas, o arresto e asasinato do primeiro ministro Imre Nagy en 1956. Con este filme realiza un acto de expiación tanto persoal como nacional, ao restituír a memoria de aquilo que permaneceu oculto durante tanto tempo. Só así, segundo ela, podía avanzar Hungría cara o futuro neses instantes de cambio.