En legítima defensa

QUAI DES ORFÈVRES / EN LEGÍTIMA DEFENSA
(Francia, 1947)
Dirección: Henri–Georges Clouzot. Guión: Jean Ferry e Henri-Georges Clouzot, sobre a novela de Stanislas-André Steeman Légitime defense. Produción: Majestic Films. Fotografía: Armand Thirard. Intérpretes: Louis Jouvet, Simone Renant. Duración: 105 min.
Filme policial en ambiente de music-hall. Unha cantante, Jenny Lamour, consegue un protector no París anterior á guerra, o vello Brignon. O home de Jenny, Maurice, ten ciumes. A historia complícase coa aparición do corpo asasinado de Brignon no porto. Un inspector comeza as pescudas. Nova incursión de Clouzot na análise das complexidades do ser humano. Premio ao mellor director en Venecia.