Curtametraxes Manuel Nanín
2002-2007
89´. Vídeo. Presentación a cargo de Manuel Iglesias Nanín e José Manuel Mouriño. Entrada gratuíta.
DESHABITADO
(España, 2007)
Dirección, guión e fotografía: Manuel Iglesias Nanín e José Manuel Mouriño. Produción: Os Filmes de Mark Lewis P.C. e A Chanca Producións. Duración: 10 minutos.
Estar condenado a amar aínda sabendo que non é a solución a nada, pero tamén convencido de que é o único que nos axuda a sobrevivir. Introspectivo, poético e reflexivo, unha curta ensaística que revela as eleccións artísticas do traballo dos seus autores.
EN MEDIO DE ALGURES
(España, 2002)
Dirección, guión e fotografía: Manuel Iglesias Nanín. Produción: A Chanca Producións. Duración: 16 minutos.
Nos campamentos de refuxiados saharauís de Tindouf, en Alxeria, na parte máis dura do deserto do Sáhara, o pequeno Mohamed érguese como cada mañá. Mentres, nos demais campamentos, a vida esperta ao seu propio quefacer.
UN DESERTO DE FLORES
(España, 2007)
Dirección, guión e fotografía: Manuel Iglesias Nanín. Produción: A Chanca Producións. Duración: 53 minutos.
Na zona máis dura do deserto do Sáhara, na Hamada, onde o infinito non deixa respirar, os campamentos de refuxiados saharauís tiñen de cor o desencanto. Documental que conta con música de Roberto Sobrado, colaborador habitual de Nanín.