BERLÍN, SINFONÍA DE UNA CIUDAD

BERLIN: DIE SIMPHONIE DER GROSSTADT / BERLÍN, SINFONÍA DE UNA CIUDAD
(Alemaña, 1927)
Dirección: Walter Ruttmann. Guión: Walter Ruttmann, Carl Mayer e Karl Freund. Produción: Deutsche Vereins-Film e Les Productions Fox Europa. Fotografía: Robert Baberske, Reimar Kuntze e Laszlo Schäffer; Karl Freund (non acreditado). Duración: 70 minutos.
Arquitecto, pintor e figura do expresionismo, Walter Ruttmann (1887-1941) inspirouse nun noticiario de Dziga Vertov para esta sinfonía urbana –nuns anos nos que atopamos obras de idéntico punto de partida e plasmación ben distinta en Cavalcanti, Oliveira, Vigo ou Kaufman- consagrada á cidade de Berlín. A evolución dunha xornada na capital alemá por medio dun ritmo sostido por unha montaxe elaborada mediante asociacións e contrastes dá boa conta do ano de intensa rodaxe e a admirable procura de naturalidade.