A World not Ours
Mahdi Fleifel, 2012.
93'. Vídeo. Subt. castelán.
ALAM LAYSA LANA / A WORLD NOT OURS
(Reino Unido-Líbano-Dinamarca-Emiratos Árabes Unidos, 2012)
Dirección, guión e fotografía: Mahdi Fleifel. Produción: Nakba Filmworks e Screen Institute Beirut. Duración: 93 minutos
Ain al-Hilweh quere dicir "doce primavera". E é tamén o nome dun campo de refuxiados palestinos situado no sur do Líbano onde se amorean 70.000 almas. Mahdi Fleifel pasou alí parte da súa infancia nos anos oitenta. Logo trasladouse cos seus pais a Dinamarca e Ain al-Hilweh comezou a ser o lugar ao que regresar durante as vacacións, o lugar en que “sen éxito" probar a redebuxar a súa propia identidade unha e outra vez. Fleifel constrúe a súa película a partir dos rexistros en vídeo de cadansúa visita, cun ton que por momentos remite ao Woody Allen de Días de radio e arrastrando ao espectador da gargallada á congoxa máis absoluta en cuestión de segundos.