UNDERWORLD USA
Samuel Fuller, 1960
98´. Subtítulos en galego.
UNDERWORLD USA
(Estados Unidos, 1960)
Dirección e guión: Samuel Fuller. Produción: Globe Enterprises. Fotografía: Hal Mohr. Intérpretes: Cliff Robertson, Dolores Dorn. Duración: 98 minutos.
Á idade de catorce anos, Tolly ve como catro encapuchados matan a seu pai. Vinte anos despois, o seu único obxectivo é atopalos para facer realidade os seus desexos de vinganza. Un dos grandes filmes do autor, que coa súa habitual retranca despachaba cun “gustoulles a todos os meus amigos, pero non é máis que unha película rápida”. Non estreado en España, un relato preciso, que converte a elipse nun mecanismo gozoso e implacable, permite que Fuller sexa moi capaz de diseccionar o tema da vinganza e subverter con sofisticación e elegancia formais algunhas das constantes do thriller clásico, prefigurando aspectos modernos.